2nd part of Life

寻晚喺我嘅中学同学结婚摆酒，本来就喺一个好好嘅机会俾我哋聚一聚，点知有啲老友记唔得闲来，有啲简直就喺唔想来。仲话我哋啲到场嘅喺抱住「礼金白金」嘅心态。咁我呢个旧同学的确喺几市侩嘅，同埋又钟意无事不登三宝殿，所以都难怪旧同学呢边嘅场面冷冷清清。

到咗酒楼，俾埋红包就被带到５１号枱。哇，摆五十几围，大场面嚄！坐到咁后仲好，唔洗理台上做啲乜。新郎仲要求我哋啲旧同学为佢准备啲节目上台玩，你话别边个要睬佢？坐吓，倾吓计，饮吓酒，好快就到咗开餐嘅时间。乜嘢入席仪式，出菜仪式，攞来搞。捧住啲菜，行来行去，唔冻晒就假啦，阵间加料咪仲衰多两钱重添，为乜啫？

话就话响中式酒楼摆酒，但喺就有啲特别嘅搞作。因为主人家喺「神嘅弟兄」，所以就来个「饭前祈祷」，但喺冇人睬佢哋就样衰啲，大家继续倾计饮酒同埋开餐啦。食到差唔多嘅时候，台上仲来个「吹啸」，都可话得喺无厘头到极点囖，跟住仲有集体歌舞表演，哇，搞马戏团咩？

寻晚唯一嘅得着就喺得到个答案，乜嘢答案？就喺「点解要结婚」囉。曾经问过好多结咗婚嘅朋友，佢哋都答唔出，净喺讲「你到咗個个时候就会知道嘅喇」，唔喺嘛，讲啲咁唔负责任嘅说话？但喺寻晚個位「神嘅弟兄」就讲得好好！佢话「因为呢個喺神赐俾你哋嘅，喺神嘅安排！」哇，听咗之后有如清泉灌入心肺，苦海中一盏明灯！咁边个喺神？或者你俾三溝六会得到答案嘅。

P/S:咩嘢话，你睇唔明我写乜嘢？咁你嘅资质的确有限，返去学多几年广东话啦！呢篇嘢喺我呕心沥血，写咗乘個下昼先至写完咖！

This entry was posted on Sunday, January 7th, 2007 at 7:16 am and is filed under Weblogs. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.