2nd part of Life

好似好耐冇写blog咗，就连之前两个post都喺拖咗几日先至写嘅，真喺懒到冇人有！咁我真喺冇嘢好写呃嘛，我家阵又扑街，又兜某，穷到裤穿窿，哽喺摒埋自己响屋企啦．唔同外界接触吓，又边度有新体验，新启发呢？连神我都开始慢慢咁疏远，因为佢有双重身分，真正嘅神又喺佢鬼又喺佢！（虽然喺咁讲，但喺除咗屋企人，仲喺见得佢最多）

今日，为咗要去Damansara Mutiara整车，晨早流流就揸车过去，因为拜五已经落咗九点嘅booking．点知到咗仲要攞牌子等号码，一等就等到十点几，有冇搞错！冇法啦，等佢搞埋啲手续，一个傻佬无无聊聊咁行咗去The Curve啰．

咁鬼早，冇边度好行咖啦，唯有祟入去Borders睇吓书啦．呢啲慳钱嘥時間嘅嘢，至ngam我呢个冇钱又大把时间又不务正业嘅青年啦！其实都真喺几唔错嘅享受嚟架，有舒服嘅梳发，柔和嘅音乐，仲有数唔尽嘅书任我搛。先搛本轻松小品嚟睇吓，随手攞起三毛嘅漫画，有点似老夫子四格漫画，但喺内容就围绕住四十年代，一个细佬哥喺中国大陆当兵嘅事。虽然都不乏幽默，却带着浓厚的阶级同抗争意识。

睇吓睇吓又到午饭时间喇，好睬早早约定阿B君小姐，唔驶我食自己咁惨。佢一开口就Kimgary，真喺个忠实拥磴，次次揾佢吃饭都话Kimgary，顶佢唔顺啰！最后都换咗地点，但喺换汤唔换药，因为我哋去咗食栏桂坊。食吓嘢倾吓计，欢乐嘅时光过得特别快，又喺时候讲拜拜。车厂又未call嚟，唯有继续我嘅lepak行动啦！

想揾返间网吧上吓网，但喺问过啲资询柜台小姐先知道仲未开张，真冇隐。没办法啦。唯有百无聊赖咁行吓　IT铺头，睇吓大堂新年嘅装饰同布置，仲影返张相俾大家睇吓啦。

行吓行吓又行返去Borders，继续我啲慳钱娱乐。呢次我搛咗香港嘅作品，亦都喺漫画，来头唔细架，因为佢就喺明年嘅生肖——猪。我唸大家都听过《麥兜的故事》吧，喺啦就喺個只可爱嘅猪仔。以前对呢只猪仔嘅印象就喺趣怪又抵死，翻咗几页后却发现佢都几有内涵，感觉有啲似几米嘅作品，但喺又有唔同嘅表达方式，而且带有好多香港道地嘅味道，温馨写实嘅情节令我会心微笑．

终于，四点几车厂至call嚟，话要留堂车到听日，本来唸住晏昼就有车攞，而家搞乱嗮我嘅时间，仲白白等咗乘日。冇计啦，唯有快快揾吓有冇顺风车搭，call咗神，佢叫我六点钟去Amcorp Mall轻铁站等。我走过去Ikano唸住搭免费shutter bus到Kelana Jaya轻铁站，点知俾五点個轮巴士走咗，下一轮竟然喺六点半，边个天才set啲咁嘅时间？走去问啲的士佬，佢哋就狮子开大口话要二十蚊，痴线，争啲就要爆粗！后尾我喺街边截堂的士，去到至话收八蚊，搭埋轻铁都唔到十蚊．

This entry was posted on Monday, February 12th, 2007 at 4:46 pm and is filed under Weblogs. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.